Kalkuluen arabera, teknologia digitalek EBn berotegi-efektuko gasen isurketen % 40 eta kontsumo elektrikoaren % 10 eragingo dute 2030ean. \u2018Hodeia\u2019 bezain kontzeptu abstraktuek errealitate hori iruditeria edo imaginario kolektibotik urruntzen dute sarritan. Beraz, mundua murgilduta dagoen eraldaketa digitalari ekiteko, beharrezkoa da nazioarteko jasangarritasun-helburuak beteko direla bermatuko duen ingurumen-ikuspegia sartzea.<\/p>\n\n\n\n
Beharrizan horretan oinarritu zen \u2018Green Digital Conference\u2019<\/strong><\/a>, joan den azaroaren 17an eta 18an nazioarteko eztabaida Bilbon ardaztu zuena. Topaketa horren emaitza, ondorio gisa, \u2018Bilbao Green Digital\u2019<\/a> deklarazioa sortu da orain, trantsizio digitala eta ekologikoa bat etorraraztea beharrezkoa eta urgentea dela jasota uzteko asmoz. Izan ere, termino zehatz bat erabiltzen hasi dira horri buruz hitz egiteko: twin transition<\/em><\/a>.<\/p>\n\n\n\n \u201cDigitalizazio hau materiala da, materialegia\u201d, dio dokumentuak. Ekitaldia Bilboko Udalak, BBK-k, Globernancek eta AI & Democracy Katedrak antolatu zuten. Deklarazioak eraldaketa digital eta berderako dekalogo bat proposatzen du, Bilbao European Encounters-en IX. edizio horretan estatuko eta nazioarteko hainbat adituk izandako elkarrizketaren emaitza. \u201cGarapen Jasangarrirako Helburuekin eta 2030 Agendarekin bat datorren garapen digitala posible da beraien inplikazio sozial, material eta energetikoak kontuan hartzen baditugu. Garaiz gabiltza\u201d, dio Deklarazioak.<\/p>\n\n\n\n Orain dekalogoan jasotzen diren ondorio horietan, \u201cminimalismo digitaleko irizpideen arabera jokatzea aipatzen da: testuinguru eta aplikazio jakin batzuetan digitalizazio-sistemak garatzeko egokitasuna eta beharrizana aldez aurretik baloratzea, teknologia hutsala saihestuz\u201d. Sistema digitalen garapen eta ezarpenean ekodiseinu-irizpideak sartzea ere aipatzen da, ingurumen-eragina ebaluatzeko eta neurtzeko prozesuak barne. Adierazten denez, \u201cinpaktuak neurtu behar dira sistemak eraldatu ahal izateko\u201d.<\/p>\n\n\n\n Green Digital Conference-n algoritmo berdeen eremua ere jorratu zen, eta dekalogoaren arabera, hori bere garapenetik bultzatu behar da, \u201cdatuen zientzian eta adimen artifizialean\u201d oinarrituta, \u201cprozesuetan eta jardueretan energia-eraginkortasuna hobetzeko\u201d. Deklarazioaren arabera, ikuspegi hori energiari dagokionez jasangarriak eta eraginkorrak diren hardware eta softwarearen garapenean ere sartu behar da, algoritmo berde horien bidez.<\/p>\n\n\n\n Berotegi-efektuko gasek eta digitalizazioak zerikusi handia dute. Dekalogoaren puntuetako batek \u201cingurune digitaletan energiaren erabilera optimizatzeko deia egiten du\u201d, emisioak murrizteko. \u2018Ekonomia digital zirkularra’ ere aipatzen da, \u201cmaterial eta gailu elektronikoen berrerabilpena eta konponketaren kultura sustatzera\u201d zuzenduta. Energiaren esparruan, dekalogoak digitalizazio-prozesuetan energia berriztagarriak lehenestera gonbidatzen du.<\/p>\n\n\n\n Azkenik, pertsonak erdigunean jartzen dira eta \u201cdigitalizaziorako eta energia ekoizteko lehengaiak ateratzeak kaltetu ditzakeen gizabanako, populazio, espezie eta ingurune kalteberak babesteko\u201d beharrizana azpimarratzen da. Digitalizazio-prozesuen onurak eta kargak zuzen eta bidezkoak izatea da dokumentuaren beste erreklamazioetako bat, eta, amaitzeko gonbidapen bat: \u201cHerritarren artean alfabetatze digital iraunkorra sustatzea, kontsumo digitaleko ohitura onak sustatuz, bereziki gazteen artean, jasangarritasunarekin eta ingurumenaren babesarekin oso kontzientziatuta baitaude\u201d.<\/p>\n\n\n\n Deklarazio osoa esteka honetan<\/a> kontsulta daiteke.<\/p>\n\n\n\n