BBK Open Science Fest 2021-ek herritarrak zientziara hurbiltzeko proiektuak bilatzen ari da

BBK Kunak, BIOOKen eskutik, BBK Open Science Fest 2021 bultzatzen du. Jaialdi honek aukera ematen du zientzia irekia eta parte-hartzailea, baita horrek mundu hobea eta jasangarriagoa lortzeko motor gisa sortzen dituen aukerak ere, ezagutu, partekatu eta horietaz gozatzeko.

Aurten BBK Open Science Fest (BBK OSF) ekainaren 8tik 15era egingo da; zientzia-topaketa bat da, eta herritarren parte-hartzea funtsezkoa da bertan; beraz, dagoeneko ireki da deialdi irekian parte hartzeko proposamenak aurkezteko epea.

Nork parte har dezake? Zientziarekiko grina partekatu nahi duen edonor, hezkuntza jarduera berritzaile bat, praktika esperimental bat, ikerketa proiektu bat, ingurumenaren osasuna hobetzea bilatzen duen jarduera bat, sorkuntza artistiko bat, etab. aurkeztuta, zientzia herritarrengana hurbiltzea ahalbidetzen duen edozein proiektu edo ekimen

Jaialdia herritarren parte-hartzea sustatzeko BBK Kunaren ildoan sartzen da, eta edizio honetan bizi-esplorazioan, herritarren zientzian, zientzia komunitarioan eta gizarte-berrikuntzan oinarrituko da.

Jaialdiaren balioekin eta/edo kategoriekin bat datorren proposamen bat duenak apirilaren 14tik maiatzaren 9ra bitartean bidal dezake, ekainean BBK Open Science Fest 2021eko (BBK Open Science) “Zientzia Irekiko Topaketa”n aurkezteko aukeraren bila.