Helize laukoitza
Elkarrekin eta era transdiziplinarrean lan egiten dugu gizarteko eragile guztiekin: herritarrekin, unibertsitate eta ikerketa-zentroekin, administrazio publikoekin eta enpresa pribatuekin.
BBK Kunari buruz
BBK Kuna berrikuntza sozialerako gune bat da, eta bertan hainbat eragilek parte hartzen dute, Bizkaiko gizarteari etorkizuneko erronkei erantzungo dieten irtenbide ugari eskaintzeko.
BBK beti egon da Bizkaiko errealitateari lotuta, eta bertoko erronkak konpontzen ibili da. 100 urte baino gehiagoz, Bilbok eta Bizkaiak unean-unean izan dituzten premia edo beharrizanei erantzuteko proiektuen buru izan da. Gizartea gero eta konplexuagoa da, eta erronka horiek ere bai.
BBK Kuna inauguratu zenetik, etorkizuneko erronkei erantzunak bilatzeko tresna eraginkorra dela erakutsi du erakundeak. Horregatik, abian jarri eta hiru urtera, bere gizarte-eragin edo inpaktu soziala handituko du, BBK Fundazioaren gizarte-berrikuntzaren branka izateko.
Horretarako, inpaktu handiko gai bat landuko du urtero, Bizkairako etorkizun-ikuspegiarekin. Inpaktuzko gaiak hainbat ikuspuntu izango ditu, horiek landuko dira, eta urte osoan zehar garatuko denaren hari gidaria izango da. Horrela, Kunak urtebetez garatuko dituen ekimenak eta jarduerak urtero hautatutako gaiarekin bat etorriko dira.
Etorkizunean pentsatzeko leku bat
Bizkaiaren etorkizunean erreferente izan gura dugu, eta horretarako gune ireki eta eraldatzaile bat daukagu, gizarte-sarean aldaketa positiboak eragiteko gai izango dena herritarren ahalduntzearen bidez.
Ikuspegia
BBK Kunaren ikuspegia eta arreta-guneak zehaztu edo definitzeko parte hartzen duten eragileak.
BBK Kuna proiektu inspiratzailea da, eta beste eragile batzuen esperientziaz elikatzen da, gizartearen hazkundean eta ongizatean lagunduko duten ekimenak garatzeko. Horretarako, BBK Fundazioaren eta BBK Kuna Institutuaren parte-hartzea dugu, maila estrategikoan zein operatiboan, lortu beharreko helmuga eta xedeak zehazteko eragile gisa.
- BBK Fundazioa
- BBK Kuna Institutua
Ekosistema
BBK Kunaren Gizarte Berrikuntzako ekosisteman parte hartzen duten eragileak.
BBK Kunan modu parte-hartzailean lan egiten dugu gizarteko eragile guztiekin, hainbat sozializazio-planen bidez, etorkizuneko erronkei era bateratuan erantzuteko.
Helize laukoitza:
- Enpresa pribatua
- Akademia eta ikerketa-zentroak
- Herritar antolatuak
- Herri Administrazioa
Prozesua
Ekosistema aktibatzeko faseak eta tresnak.
Gure lan-metodologia hiru fasetan banatzen da: lehena, entzutea, planteatutako erronka aztertu eta interpretatuko dugu fase honetan; bigarrena, bitartekaritza egitea eta parte hartzea, non konexioak sortu eta inpaktuko konponbideak garatuko ditugun; eta hirugarrena, aktibatzea, balioztatutako proiektuak modelizatu eta ezarri ahal izateko.
- Entzutea
- Parte-hartzea eta bitartekaritza
- Aktibazioa
Eragina
Gizartean inpaktu edo eragina duten programak sortzera bideratutako ekintza errealak. Horren guztiaren ondorioz, enpresa berriak sustatu eta sortuko dira, auzoak parte hartuko du erakunde aholku-emaileen bidez, ikaskuntza-komunitateak eratu eta living lab-ak sortuko dira.
Aliantzak
Aliantza sendoak eraikitzen ditugu BBK Kuna Gizarte Berrikuntzan erreferente bihurtzeko.
Ikuspegi-partnerrak
Gizarte-berrikuntza eta tokiko errealitatea
BBK Kuna lan-metodologia
BBK Kunan Think Tank metodoaren aldeko apustua egiten dugu, hainbat gai diziplina anitzeko ikuspegitik jorratzeko baliabide gisa. Metodo horrek, era berean, eragileak motibatzen ditu ezaupideak modu praktikoan ikertu, konbinatu eta barneratzerako, 3 faseren bidez.
