Garapen Jasangarrirako Helburuak enpresa-estrategian txertatzeko tailerrak. CEBEKekin lankidetzan egiten da. Gutxi gorabehera hilabeteko iraupena du, eta enpresek (batez ere ETEek) GJHak beren estrategian eta ikuspegian transbertsalizatzeko tresnak ematea du helburu.
Datozen urteetan, GJHak lortzeko ahaleginean jarriko dute arreta gobernuek, baina horrek ez du esan gura lan edo beharra eurek bakarrik egin behar dutenik. Sektore pribatua, erakundeak, gizarte zibila eta, jakina, ETEak lagungarri izan daitezke GJHak bizkorrago lortzeko. Hala ere, batzuetan ez da hain erraza nondik hasi jakitea, 17+1 Helburu baitaude eta bakoitzak bere helmuga eta adierazleak baititu. Jasangarritasunean egindako inbertsio honen itzulkinak askotarikoak dira enpresarentzat; izan ere, GJHak bultzatzeak eraginkortasun handiagoa, kostuen murrizketa, talentua erakarri eta atxikitzea, eta bezeroen interesa eta fidelizazioa ekar ditzake, besteak beste.
CEBEKen eta BBKren arteko lankidetza-esparruaren barruan, GJHak sartzeko prozesuan enpresei laguntzeko tresnak sortuko dira.