1
2
3
4
5
6
7
8
9
10
11
12
Proyectos investigación-acción

Kuna-co Proiektuak

Euskadin oro har eta Bizkaian bereziki 2030 Agendari lotutako erronkei irtenbideak bilatzea helburu duten eta Bizkaian aldaketa bat eragingo duten Berrikuntza Proiektuak bultzatu gura ditu Kuna-co Proiektuak ekimenak.

Horretarako, gizarteko hainbat eragileren elkarlana bultzatu gura dugu, emaitzarik onenak lortzeko elkar osatu eta ahaleginak batu ditzaten.

Beren lankidetza eragile anitzeko partzuergo baten bidez antolatzen duten erakundeek aurkeztu eta gidatu beharko dituzte proiektuak. Partzuergo guztiek irabazi asmo bako erakunde bat izan beharko dute gutxienez.

Partzuergoak gutxienez bi eragile izan behar ditu, arlo hauetakoren baten ordezkari:  unibertsitatea, enpresa, administrazio publikoa edo gizarte zibil antolatua. Planteatutako gai eta erronketako bati buruzko ikerketa-proposamen bat aurkeztuko dute koordinazioan, baina ez soilik ikerketa; proiektu bakoitzak ekintza bat gutxienez planteatu beharko du emaitza gisa, transferigarria eta aplikagarria izango dena.

Ikerketa-ekintza proiektua

Ikerketa-ekintzako Kuna metodologiaren helburua da proiektuek teoria testatu edo probatzea ekintzan duten eraginkortasunaren arabera, ezagutza baliozkoa eta eragingarria sortzea bilatuz. Ikerketaren helburua ez da errealitatea aztertzea, aldatzea baizik.

Ikerketa-ekintzako proiektuen bidez, erronka hauei erantzun behar zaie:

  1. Migrazioa eta oparotasuna: garapen ekonomiko eta sozial inklusiboa.
  2. Trantsizio digital humanista.
  3. Gastronomia jasangarria: Gastronomia iraunkor edo jasangarriaren ereduarekin lotutako lehen sektorearen garrantziaren justifikazio-azterketa, lurraldearen ezaugarri gisa.

Proiektuen deialdia apirilaren 25ean itxi da, 23: 59an. Deialdi horretan parte hartzen duten erakundeek informazio gehiago jasoko dute datozen egunetan.