BBK Kunan modaren etorkizuna aztertuko dugu bi jarduerarekin
Zer pentsatzen dute Euskadiko herritarrek etorkizunean izango dugun modaz? Zelan imajinatzen dituzte etorkizuneko dendak? Sinesten al dute berrikuntza teknologikoan jasangarritasun-erronkak arintzeko? Gizon eta emakumeentzako arropa izaten jarraituko dugu ala, aitzitik, genero bakarra egongo da?
Gai horiek eta beste asko aztertuko dira eta elkarrekin hausnartuko dugu horietaz ‘Modaren etorkizuna’n.
Zer da Etorkizuneko Biztanleak?
Gune hau BBK Kunaren barruan sortu zen, herritarrak etorkizunari buruzko eztabaida publikora batzeko asmoarekin. Eztabaida horretan, herritarrek ez dute ia hitzik, baina praktikan ekintzen, jokabideen eta balioen mende egongo da, neurri handi batean.
Gune honetan, herritarrak etorkizunaren eztabaidaren erdigunean jarri gura dira, bai aldaketetara hobeto egokitzeko informazio baliotsua izan dezaten, bai beraien ahotsa eta lehentasunak kontuan har daitezen, horrela zelanbait beraiek ere etorkizun hori baldintzatu eta gure gizartearen garapen jasangarrira bidera dezaten.
Galdera asko dira eta erantzunak herritar guztion artean bilatu behar ditugu. Horrela, Etorkizuneko Biztanleak ekimenean herritar horiek jartzen dira erdigunean, eta etorkizun hori nola irudikatzen duten eta beren ohiturak zelan proiektatzen dituzten aztertzen da.
Mahai-ingurua: Modaren Etorkizuna – Etorkizuneko biztanleen amets jasangarriak
Urriaren 27an, arratsaldez, kafe bat partekatuko dugu BBK Kunan, modaren etorkizunari buruzko inkestak eman dituen datuei buruz berba egiteko.
Gaian espezializatutako hainbat pertsonarekin hitz egingo dugu, herritarrek zelan ikusten duten modaren industriaren garapena hainbat adierazletan oinarrituta, hala nola iraunkortasuna; etorkizuneko moda-dendak nolakoak izango diren; zelan gustatuko litzaiekeen janztea; nola barneratu dituzten kontsumo-joera jasangarriak, adibidez, bigarren eskuko arropa; edo zenbat axola zaien erabiltzen dituzten jantziak zer materialez eta zer baldintzatan eginak dauden.
Etorkizunean desagertuko al da generoaren araberako jantzien bereizketa? Utziko al diogu arropa zaborretara botatzeari? Lagako al diogu fast fashion kontsumitzeari? Horrelako gaiak aztertuko ditugu mahaian.
Elkarrizketa gidatzeko, Radio Euskadiko albistegietako burua den Dani Álvarez izango dugu, eta, harekin batera, Braulio Gómez, ‘Etorkizuneko Biztanleak’ ekimenaren arduraduna eta Deustuko Unibertsitateko irakaslea; Kristian Prieto, BBKUNAko zuzendaria; Mª Luz Ferro, Kooperako koordinatzaile nagusia; eta Airí Ferrer, Fashion Revolution Euskadiko arduraduna.
Mahai-inguruan izena eman dezakezu esteka honetan
Etorkizuneko desfilea, urriaren 28an, BBK Salan
Hilaren 28an galdera horien guztien erantzunak aurkeztuko dira BBK Salan. Moda-desfile berezi honetan, modeloek inkestatik ateratako datuekin desfilatuko dute.
11 modelo jantziko dituzte egungo eta etorkizuneko diseinatzaileek, enpresek eta ikasleek, gure Lurraldeko diseinatzaileak dira, herritarrek nahi duten moda hurbiltzeko eta errealitate bihurtzeko lanean dihardutenak.
Diseinatzaile horiek material jasangarriekin lan egiten dute, KM0 modarako behar egiten dute, moda zirkularra lortzeko teknikak dituzte, material birsortzaileak lortzeko ikertzen dute, eskariaren arabera ekoizten dute edo enpresa-ereduen mentalitate-aldaketara hurbiltzen gaituzte, herritarrek jantzien alokairua edo bigarren eskuko arropa erostea ohitura gisa barnera dezaten lortzeko.