Sukaldaritza irekia: baterako sorkuntza, komunitatea eta elikadura-berrikuntza Bizkaian etorkizun jasangarria izateko
Bizkaian, tradizio gastronomiko aberatseko eta gizarte-konpromiso handiko lurraldean, iraultza isila ari da kozinatzen. Ez da jatetxe handietako sutegietan bakarrik gertatzen, baita komunitateko sukaldeetan, elkarlaneko mahaietan eta herritarren, enpresen eta erakundeen buruetan, helburu komun batekin elkartzen direlarik: gure elikadura-etorkizuna eraldatzea baterako sorkuntzaren bidez.
Baterako sorkuntza XXI. mendeko erronka handiei heltzeko osagai sekretua da. Lankidetza-prozesu bat da, non indarrak eta ezaupideak batzen diren irtenbide erreal eta eraginkorrak sortzeko. Testuinguru horretan, BBK Kuna funtsezko katalizatzaile gisa kokatzen da, gure lurraldean biharko elikadura definituko duten ekimenak bultzatu eta erraztuz. Zatoz gurekin mugimendu honetan zelan parte har dezakezun jakiteko.
Baterako sorkuntza eta elikadura: gizarte-berrikuntzaren zaporea duen uztartzea
Elikaduran baterako sorkuntza tresna indartsua da, herritarrak, enpresak eta erakundeak batzen dituena elikadura-irtenbide berritzaile eta jasangarriak diseinatzeko. Kontua ez da elkarrekin kozinatzea bakarrik, etapa bakoitzean kolaboratzea baizik: ekoizpenetik kontsumora arte.
Zer da baterako sorkuntza eta zergatik da funtsezkoa elikaduran?
Lankidetza-prozesu bat da, zerbait berria sortzeko ideiak eta baliabideak partekatzen dituena. Elikaduran, horrek esan nahi du eragile guztiak inplikatzea, besteak beste, xahutze edo alferrik galtzea, jasangarritasuna eta osasuna bezalako erronkei heltzeko. Funtsezkoa da konponbide egokiagoak, eraginkorragoak eta komunitateak onartuagoak sortzen dituelako.
BBK Kuna-ren eginkizuna elikagaien baterako sorkuntza bultzatzeko Bizkaian
BBK Kunak katalizatzaile gisa jokatzen du, eragileak konektatzen ditu eta baliabideak ematen ditu elikaduraren alorrean baterako sorkuntzako ekimenek aurrera egin dezaten Bizkaian. Ideiak gizartean eragina duten proiektu erreal bihurtzeko guneak, programak eta laguntza eskaintzen ditu.
Horrela, 2025ean, elikadura da BBK Kunako ekimen guztien lan-ardatza, eta hainbat komunitate eta profilekin egiten dugu lan horietan:
- Etorkizuneko biztanleak: herritarrak, gure auzoan eragin berezia dutenak. Elikadurari buruzko inkesta egin dugu, eta etxean eta familian kozinatu edo janaria prestatzearekin lotutako gure hurrengo ekintzetarako oinarriak ezarri ditu horrek.
- The Future Game: gazteekin gauzatutako ekimena, non elikadura eta identitatea ari garen lantzen.
- Googaz: nerabeekiko ekimena, non errealitate birtualaren bidez teknologia eta gizarte-berrikuntza uztartzen ditugun. Aurten, elikadura ardatz izango duen jolas baten garapenean jarri du arreta.
- ProtopIA: etorkizun desiragarriak irudikatzen elikaduran, eta enpresa-ingurunearekin partekatutako hausnarketa Adimen Artifizial sortzaileek lan edo beharrean duten eta izango duten eraginari buruz, pertsonengan eta nekazaritzako elikagaien sektorean arreta jarrita.
- Ostalaritzaren sektorean elikadura jasangarriari buruzko kalitate-zigilu bat ere aurkeztuko dugu.
Ideiatik mahaira: zelan BBK Kunak animatzen zaituen elikadura-etorkizuna elkarrekin sortzera
Ideia berritzaile bat benetako proiektu bihurtzeak baditu bere erronkak, baina Bizkaian aukerak izugarriak dira. BBK Kunan, ekosistema perfektua eskaintzen dizugu, zure ekarpenak aldea ezar dezan.
Bizkaiko elikaduraren etorkizuna ez da zain edo itxaroten egon behar dugun zerbait, baizik eta orain elkarrekin eraiki dezakegun zerbait. Baterako sorkuntza da hori lortzeko dugun tresnarik ahaltsuena, gure ekoizleen ezagutza, herritarren sormena eta enpresen bultzada uztartuz arrakastarako errezeta komun batean.
BBK Kunan, gure konpromisoa da “Sukaldaritza ireki” hori izatea, non ideiak elkar topatu, elikatu eta soluzio erreal bihurtzen diren. Komunitateak pertsona guztientzako elikadura-sistema bidezkoagoa, osasungarriagoa eta jasangarriagoa diseinatzeko duen ahalmenean sinesten dugu.
2025a urte giltzarria izango da, eta mahaia prest dago berrikuntzarako. Ikusle hutsa ez, baizik eta eraldaketa honen protagonista izatera animatzen zaitugu. Bat egizu gure hurrengo ekimenekin, parte hartu elkarrizketan eta lagun iezaguzu Bizkairako etorkizun inspiratzailea kozinatzen, platerez plater.
Osagairik garrantzitsuena zu zara. Bat egingo duzu gurekin?