FSForum2022: “21distritos”, erdigunea multzoa denean – Adrián Sepiurca

Adrián Sepiurca argentinarra Madrilen bizi da, eta “21distritos” programaren koordinatzaile artistikoa da. Programa honek kultura hiriko txoko guztietara iristea sustatzen du, hainbat diziplinaren bitartez. “21distritos”auzoetan kultura dinamizatzeko eta suspertzeko proiektu bat da, Madrilgo Udaleko Kultura, Turismo eta Kirol Arloak bultzatua. Lantaldeak kultur eragileen eta herritarren arteko elkarrizketa sortzeko lan egiten du, kultura modu seguru, inklusibo eta iraunkorrean txoko guztietara eramateko. Bere lanaren zati bat etxerik gabe eta bazterkeria-arriskuan dauden pertsonentzako prestakuntza eta garapen pertsonaleko ikastaro artistikoen bidez egiten du, gizartean eta lan-munduan txertatzen laguntzeko.