Beste narratiba feministen ahotsa, boterea eta erresistentziak

Angela Davis arreba parafraseatuz, ez dago feminismo bat, asko baizik. Feminismo eraginkorrak homofobiaren, klase, arraza eta generoaren esplotazioaren, kapitalismoaren eta inperialismoaren aurka borrokatu behar du. Datorren larunbatean, azaroaren 26an, jardunaldi hauek antolatuko ditugu, eta bi mahai izango ditugu: lehenengoa, Kontzientzia afrofeminista gazte beltzen artean. Bertan, hiru emakume gazte beltzek afrofeminismoaz hitz egingo digute hainbat esparrutan. Eta bigarrena, Ahots isilduak, erresistentzia ukatuak, zeinean feminismoaren ahotsak entzungo baititugu, besteak deiturikoetan.