Googaz ekimena bizkaiko gazteak garapen jasangarrirako helburuak (GJH) hobeto ezagutzera bultzatzen ditu errealitate birtualeko jokoen bidez

Mugimendu hau 2017an hasi zen. Orain arte lau edizio egin dira eta bakoitzean erronka sozial bat landu dute euskal gazteek. Aurten ere, erronka berri batekin itzuli da Googaz: oraingoan, Garapen Jasangarrirako Helburuak euskal gazteei hurbiltzea.

Horrela, errealitate birtuala aliatu dela, BBK Kuna, Bizkaiko Foru Aldundi eta Virtualwarerekin batera bultzatutako ekimen honek Euskadiko hainbat herritako (LEIOA, apirilak 24 eta 25; GERNIKA-LUMO, apirilak 27 eta 28; DURANGO, maiatzak 2; BALMASEDA, maiatzak 4 eta 5; GETXO, maiatzak 11 eta 12) gazteak, 16 eta 30 urte bitartekoak, erronka hauetan parte hartzera eta ondorengo gaiak jorratzera animatzen ditu:

Antsietatea: jokoak gaur egungo gazte baten lekuan jartzen ditu parte-hartzaileak, eta egun osoa konektatuta egotearen ondorioak erakusten ditu: sare sozialetan etengabe ikustea gainerakoen “bizitza perfektua”, txarto sentitu arren planak egiten jarraitzeko beharrizana, horrek osasun mentalean duen eragina…

Errefuxiatuen egoera: errefuxiatuen larruan jartzera gonbidatuko da, gerra-zelaiko errealitatea ezagutzeko.

Genero-indarkeria: indarkeria-mota hori jasaten duen emakumearen lekuan jartzen ditu parte-hartzaileak.

Etorkizuneko hiriak: etorkizuneko hiri batera bidaiatuko da: eraikin oso handiak, kutsadura izugarria, argitasunik eza, etorkizuneko garraiobideak…

Etxebizitza: “coffin home” bat erakutsiko dute, Japonian dagoeneko existitzen diren zerraldo edo hilkutxa-etxeak; pobrezia-egoeran dauden biztanleak zelan bizi diren jakiteko aukera emango dute, desberdintasunaren eta pobreziaren ondorioei helduz.

Esperientzia horiek bi fasetan biziko dira:

1. fasea – Play: Ekitaldiak udalerrietan. Apirilean eta maiatzean, aipaturiko Bizkaiko udalerri horiek zeharkatuko dira. Gazteek, ikastetxeen bidez eta deialdi ireki baten bidez, aukera izango dute GJHekin lotutako erronken inguruan errealitate birtualaren bidez jolasteko eta esperimentatzeko, eta horretaz hausnartzeko. Izen-ematea www.googaz.eus webgunearen bidez egin ahal izango da.

2. fasea – Design: Hackathon. BBK Kunan ekainaren 17an izango den Hackathonean parte hartzeko aukera izango dute herri bakoitzeko parte-hartzaileek. Hackathonean, Garapen Jasangarrirako Helburuetako (GJH) erronka batean lan egin beharko dute, errealitate birtualeko joko baten gidoia diseinatuz taldeka. Talde irabazleak errealitate birtualeko betaurrekoak irabaziko ditu kide bakoitzarentzat.

3. fasea – Create: Hackathonean sortutako gidoiarekin eta 2 ikastetxerekin lankidetzan, Googazek datorren urtean Bizkaiko herrietara eramango duen jokoa diseinatu eta sortuko da.

Izen-emateak webgune honen bidez egin behar dira: www.googaz.eus