Azken hilabeteetan, BBK Kunak eta UN Etxeak hausnarketarako gune bat sortu dugu, arteetan eta kulturan oinarrituta, gure euskal gizartean nola elkarreragiten, sentitzen, elkarrekin bizitzen eta parte hartzen dugun aztertzeko, ikuspegi intersekzional eta kulturarteko batetik.
Entzutetik, konfiantzatik eta ilusiotik abiatuta, espazio komun eta partekatu bat sortu dugu, giro ireki, zintzo eta lotura eta aurreiritzirik gabeko batean, eta, azkenean, obra partekatu bat eraiki dugu: La Ciudad Soñada.
Antzezlaneko protagonistak beren esperientzien, nahien eta itxaropenen testigantza ematen diguten pertsonak berak dira. Beren bizipenekin, pentsamendu kritikoa eta gizarte inklusiboagoetarantz aurrera egiteko ametsa sortzera gonbidatzen duten pertsonak, berdintasunaren, giza eskubideen, aniztasunen aitorpenaren, elkarrekintzaren eta garapen jasangarriaren aldeko apustua egiten dutenak.
Topaketa, elkarrizketa eta ilusio saio askoren ondoren, kezka artistiko eta sozialak partekatzen ditugun pertsonok “La Ciudad Soñada” eszenaratzea sortu dugu, Cruz Noguerak lagunduta. Guretako bakoitzaren onena argitara ateratzea lortu du eszenatokira eramateko.
Bizitzea gustatuko litzaigukeen hiriarekin amets egin dugu, eta askotarikoa nahi dugu, topaketez eta kasualitatez betea, inklusiboa, eta kultura eta arteak presente eta parte hartu eta sartu nahi duten pertsona guztientzat irekita egongo dituena.
Eskerrik asko BBK aretora hurbildu zineten pertsona guztiei eta zuen mezuengatik. ESKERRIK ASKO Erkidegoan parte hartu duzuen eta besteengan arrastoa utzi duzuen pertsona guztiei.
- Kasualitateetan sinesten duzu?
- Nik ez, zuk?
- Nik ere ez.
