Kultura Arteko Bitakora Koadernoa: La Ciudad Soñada
Azken sei hilabeteetan, arteetatik eta kulturatik gogoeta edo hausnarketa egiteko gune bat sortu dugu UN Etxeak eta BBK Kunak: gure euskal gizartean zelan elkarri eragiten diogun, nola sentitzen, elkarbizitzen eta parte hartzen dugun aztertzeko, sekzio eta kulturen arteko ikuspegitik.
Kultura arteko Bitakora Koadernoa Ikaskuntza Komunitatea testuinguru global aldakor batean kokatzen da, komunitate eta auzo berriak sortzen dituzten biztanleria-mugimenduen testuinguruan, non pertsonak eta beraien kulturak elkar topatu, elkarri eragin eta hazi egiten diren.
Entzutetik, konfiantzatik eta ilusiotik abiatuta, espazio komun eta partekatu bat sortu dugu beste pertsona batzuekin batera, giro ireki, zintzo eta loturarik eta aurreiritzirik gabekoan, non obra partekatu bat eraiki dugun: Amestutako Hiria.
Antzezlanaren protagonistak beren esperientzia, irrika eta itxaropenen testigantza ematen diguten pertsonak eurak dira: beren bizipenekin pentsamendu kritikoa, gizarte inklusiboagoetarantz aurrera egiteko moduari buruzko ametsa sortzera gonbidatzen duten pertsonak, berdintasunaren, giza eskubideen, aniztasunen onarpenaren, elkarreraginaren eta garapen jasangarriaren alde egiten dutenak.
Marian Andrés, Fely del Fresno, Conchi Basabe, Daniela Huber, Sara Arboleda, María Fernanda Junio, Ana Motta, Malvina Cruz, Javier Arnaiz, Rocío Reátegui, Elena Corral, Juan Ramón Parrado eta Begoña Guzmán komunitate horretako kideak dira, eta Cruz Noguera aktore eta antzerkigileak dinamizatuko du. Azaroaren 17an, azken hilabeteotako prozesua (topaketaz, elkarrizketaz eta baterako sorkuntzaz osatua) erakutsiko zaio jendeari.
Data erreserbatzera gonbidatzen zaituztegu eta adi egon ekitaldirako doako izen-emateekin.
Amestutako Hirian itxarongo zaituztegu!
- 📅 DATA: azaroak 17 (ostirala)
- 🕙 ORDUA: 19:00
- 📍 LEKUA: Sala BBK
