The Future Game ekintzan ikasteko esperientzia gamifikatua da; horren bidez, gazteek mende honetako joera eta erronka garrantzitsuenak aztertzen dituzte, agertzen ari den etorkizuneko ikuspegiak eta prototipoak sortzeko, beren ingurunean eragin edo inpaktuarekin.
Nazio Batuen Garapen Jasangarrirako Helburuak esparru gisa hartuta, diziplina anitzeko talde batek, etorkizuneko ahotsez osatuak, gidatzen ditu gazteak, eta funtsezko eginkizuna betetzen dute garapen ekonomiko jasangarri eta etikoaren zabalkundean, baita kultura inklusibo eta konpromiso zibileko kultura berrien sorkuntzan ere. Lehenengo edizioa egin da, eta arrakastatsua izan da: 100 gaztek baino gehiagok eman dute izena, eta 30 gazte inspiratzaile hautatu dira, hilabete eskasean Bizkaiaren erronkei irtenbideak eman dizkietenak.
Aldaketa-eragileen bila
“The Future Game”ren bidez, BBK Kunak belaunaldi berrien ahalmen ekintzaileaz baliatu gura du, “funtsezko zeregina baitagokie” ekonomiaren garapen jasangarri eta etikoaren zabalkundean, baita kultura inklusibo berrien sorkuntzan ere.
“The Future Game”ren helburuak hiru dira:
- Ideia eta enpresa berriak sustatzea, euren bideragarritasun ekonomikoa bezain garrantzitsua izan dadin gizarte- eta ingurumen-eragin positiboa.
- Gazteak trebetasun eta tresnekin gaitu edo prestatzea, aldaketaren eragile izan daitezen.
- Etorkizunak ekarriko dizkigun erronkei aurre egiteko prestaturiko erakundeen ekosistema bat sortzea.
CHALLENGE: 21 PROBA-EGUN
Hiru astetan zehar, 21 erronkaren bidez, teknologiarentzat etorkizun posibleak imajinatu eta erantzunak eman nahi izan dituzte parte-hartzaileek.
Challengean zehar, future gamer-ek kutxa bat jaso zuten 21 gutun-azalekin, lehen pertsonan bizitzeko ondorengoak bezalako probak: Smartphonerik gabe bizitzea egun oso batean: Zenbatu zure antsietate-gailurrak. Zer inplikatzen du egun ‘hegazkin moduan’ egoteak? Internet aurreko iraganari buruz belaunaldien arteko elkarrizketak ezartzea: Zelakoa da off-line gazteria? Zer tresna galdu ditugu bizipen horietatik? Zer superbotere lortu ditugu? Idatzi gutun bat etorkizuneko zure “ni”ari: egungo zer gauza mantendu nahiko zenituzke? Partekatu teknologiarekin bizi izan duzun esperientziarik indartsuena: Zure bikotekidea Internet bidez ezagutu al zenuen? Cyberbullying edo ziberjazarpena jasan zenuen? edo REAL vs FAKE: badakizu bereizten jasotzen duzun informazioa benetakoa den ala ez?
Proba horien bidez, honako hauetaz hausnartu dute: sindrome berriek sortzen dieten antsietatea, adibidez, FOMO (Fear of Missing Out – Zerbait galtzeko beldurra); sare sozialetan ikusten dituzten eduki digitalek haiengan sortzen duten eragina; pandemian sentitu zuten bakardadea; edo beren lasaitze-sentsazioak 24 orduz gailu teknologikorik gabe bizitzeko erronka egin zitzaienean. Gainera, zenbait planteamenduri erantzuten saiatu dira: algoritmoek iritzietan duten eragin edo inpaktua, zer ekarpen egiten dion teknologiak eguneroko bizitzari, eta zelan aldatu dien horrek harremanak izateko modua, edo benetan beraiek diren sare sozialetan.
“GAZTEAK ETA HUMANISMO DIGITALA EUSKADIN” MAKROINKESTA
2022an, ‘The Future Game’k 18 eta 30 urte bitarteko mila euskal gazteri egindako inkesta adierazgarri bat jarri zuen martxan, zain dugun etorkizuna zelakoa imajinatzen zuten jakiteko, esperientzia gamifikatu batekin eta dagoeneko 16.000 parte-hartzaile dituen komunitate digital baten sorrerarekin osatuta.
Lankidetza-prozesu horrek 2023an izan du jarraipena, “Gazteak eta Humanismo Digitala Euskadin” izeneko beste makroinkesta batekin. Gaur goizean, Braulio Gómez Deustuko Unibertsitateko Zientzia Politikoko irakasle eta Deustobarometroko zuzendariak inkesta horren emaitzak aurkeztu ditu, eta hona hemen ondorio nagusiak:
- % 69k bere iragan digital guztia ezabatu nahiko luke.
- Haien konexioa eta teknologia funtsezkoak dira beraien harremanak eta bizimodua mantentzeko. Gazteek izua diote deskonexioari: % 85ek ezingo luke telefono mugikorra ‘hegazkin moduan’ jarri denbora luzez.
- Gazteek beren datuek sortzen dituzten onurak zuzen birbanatzea gura dute. Gehienek (% 52) ordainsari ekonomikoa nahi dute beren datuak helburu komertzialekin erabiltzen badituzte.
- Wi-fi behar dute “arnasa hartzeko”.% 76k uste du bere bizitza okerragoa izango litzatekeela Internet desagertuko balitz.
- Gazte gehienak laguntza eskatzen duten naufrago digitalak dira. % 54k uste du gailu digitaletan igarotako denbora beraien bizitza errealari lapurtutako denbora dela, eta % 60k egunero sentitzen du neke mentala/fisikoa edo antsietatea bizitza digitalari lotuta.
- Hiri digitala arriskutsuagoa iruditzen zaie erreala baino. Nortasuna ordezkatu, iraindu eta lapur diezazuten mundu digitalean fisikoan baino aukera gehiago daudela sentitzen dute.
- % 60k uste du, sare sozialetatik ateraz gero, jende berria ezagutzeko aukera edo hain intimoak ez diren harremanekiko kontaktua galduko lukeela.